- By The Voice Journal
မြန်မာနိုင်ငံတွင်
ရုံတင် ပြသနေဆဲ ဖြစ်သည့် ပန်းကြာဝတ်မှုန် ရုပ်ရှင် ဇာတ်ကားကို စက်တင်ဘာလ ၂၆
ရက်နေ့တွင် ထိုင်းနိုင်ငံ ဘန်ကောက်မြို့ တွင် ထိုင်းဘာသာ စကားဖြင့်
စာတန်းထိုး၍ ပြသသွားမည် ဖြစ်ကြောင်း ယင်းဇာတ်ကားကို ရိုက်ကူးသည့် ဒါရိုက်တာ
စင်ရော်မောင်မောင်က The Voice သို့ ပြောကြားသည်။ပန်းကြာဝတ်မှုန် ဇာတ်ကား၏ ဝင်ငွေရရှိမှု အခြေအနေနှင့် ပတ်သက်ပြီး “အခုထိကတော့ ရှုံးနေတုန်း ပဲ။ နိုင်ငံခြားမှာ ရုံတင်ပြီးလို့ ဝင်ငွေ ရလာ ရင်တော့ မပြောတတ်ဘူး။ ဒါပေမဲ့ ကျွန်တော်တို့ ကြိုးစားရကျိုး နပ်ပါတယ်။ ပရိသတ်တွေရဲ့ အားပေးမှုကတော့ ကြောက်ခမန်း လိလိပဲ” ဟု ၎င်းက ထပ်လောင်း ပြောကြားသည်။
ပန်းကြာဝတ်မှုန် ရုပ်ရှင် ဇာတ်ကားမှာ ၂၀၁၁ ခုနှစ် အကယ်ဒမီ ထူးချွန်ဆုပေးပွဲတွင် ထူးချွန်ဆု အများအပြား ရလိမ့်မည်ဟု ပရိသတ်များနှင့် မီဒီယာများက ထင်ကြေးပေး ခန့်မှန်းခဲ့ကြသော်လည်း အကောင်းဆုံး ဓာတ်ပုံဆုနှင့် အသံဆု နှစ်ဆုသာ ရရှိခဲ့သည်။
ပန်းကြာဝတ်မှုန် ရုပ်ရှင်ဇာတ်ကားတွင် ပါဝင် သရုပ်ဆောင် ထားသည့် သရုပ်ဆောင် နိုင်နိုင်းကလည်း အကယ်ဒမီ ထူးချွန်ဆုနှင့် လွဲခဲ့ရသော်လည်း ပရိသတ်များ ဆန္ဒဖြင့် ပေးအပ်သည့် အကယ်ဒမီဆုကို ရရှိသလို ခံစားရ၍ ဝမ်းသာ ပျော်ရွှင်မိကြောင်း ပြောကြားသည်။ ပန်းကြာဝတ်မှုန် ရုပ်ရှင်ဇာတ်ကားမှာ စာရေးဆရာမ ခင်ခင်ထူး၏ ဝတ္ထုကို ရိုက်ကူးထားခြင်း ဖြစ်ပြီး နိုင်နိုင်း၊ ဖြိုးငွေစိုး၊ သက်မွန်မြင့်၊ မေကဗျာ၊ သီရိရှင်းသန့်တို့ ပါဝင် သရုပ်ဆောင်ထားသည်။
0 comments:
Post a Comment